2025-жылдын 1-апрелинен тартып КЖКны, АКны жана Д(Ф)Чны каттоо толугу менен онлайн режиминде жүргүзүлөт

Бул жаңыртуу мамлекеттик каттоонун ыңгайлуулугун жана жеткиликтүүлүгүн жогорулатууга, административдик жол-жоболорду жөнөкөйлөтүүгө жана ишкерлердин санариптик экономика шарттарында бизнести өнүктүрүүгө умтулуусун колдоого багытталган.

Арыз ээси бардык керектүү документтерди тапшырып, мамлекеттик органдарга барбай эле электрондук форматта каттоо күбөлүгүн ала алышат.

Каттоо үчүн «Юридикалык жактарды электрондук каттоо» маалыматтык системасын колдонуу зарыл. Бардык документтерге электрондук цифралык колтамганы (ЭЦК) пайдалануу менен кол коюлат, бул алардын юридикалык маанилүүлүгүн жана коопсуздугун камсыз кылат.

Кошумча маалымат жана этап-этабы менен көрсөтмөлөр Министрликтин расмий сайтында жана кийинки шилтемеде көрсөтүлгөн https://online.minjust.gov.kg/user.

Фото: www