Дүйнөдөгү эң бай үй-бүлөлөр доллардан баш тарта баштады

Бул тууралуу Reuters басылмасы  швейцариялык UBS банкынын изилдөөсүнө таянып билдирди.

Сурамжылоого ылайык, колунда бар үй-бүлөлөрдүн жарымы АКШ долларына болгон көз карандылыгын азайтууну пландаштырууда. Тескерисинче, алар эл аралык акцияларга өз салымдарын көбөйтүүгө жана Азия-Тынч океан аймагындагы жана Батыш Европа өлкөлөрүнө активдүү инвестиция салууга ниеттенүүдө.

Изилдөөгө орточо таза байлыгы болжол менен 2,7 миллиард долларды түзгөн UBS кардарлары катышкан. Эксперттер мындай тенденциясы өзгөчө чет элдик инвесторлордо байкалып жатканын, бирок кээ бир америкалык үй-бүлөлөр да ушундай кадамдарга бара баштаганын белгилешти. 

Эске сала кетсек, буга чейин Banks.kg биз көнүп калган дүйнөлүк каржы системасы кантип туңгуюкка кептелгени тууралуу макала жарыялаган. Дүйнө жүзүндөгү банктар эмне үчүн кыйроого учурап жатканын түшүнүү үчүн эки нерсени түшүнүү жетиштүү: доллар кантип дүйнөнүн эң маанилүү валютасына айланганын жана эмне үчүн ири карыз пирамидасы кыйрады.