Орусияда наристе төрөлгөн үй-бүлөгө кредиттик каникул берүү сунушталууда
Мамлекеттик Дума ымыркай жаңы төрөлгөндө жарандарга кредиттик эс алууларды киргизүү боюнча мыйзам долбоорун карайт. Бул тууралуу Мамлекеттик Думанын биринчи вице-спикери Александр Жуков билдирди.
Бул тууралуу ТАСС басылмасы жазып чыкты.
«Күзгү сессияда наристе төрөлгөндө кредиттик эс алуу берүү маселесин карайбыз», - деп билдирген Жуков журналисттерге.
Кеп керектөө кредиттерин төлөө боюнча алты айга кийинкиге жылдыруу маселесине тиешелүү. Демилге «Керектөө кредити жөнүндө» федералдык мыйзамга өзгөртүүлөрдү киргизүүнү карайт.
Буга чейин бул мыйзам долбоору мыйзам чыгаруу иши боюнча өкмөттүк комиссиядан колдоо тапкан. Мыйзам долбоору ымыркай төрөлгөндөн кийинки мезгилде үй-бүлөлөрдүн каржылык жүгүн жеңилдетүүгө багытталган.
Комментариев нет. Авторизуйтесь, чтобы оставить комментарий.