Каржылык сабаттуулук кимге жана эмне үчүн керек?

Кыргызстанда Бүткүл дүйнөлүк жыйым топтоо күнүнө карата маалыматтык-билим берүү кампаниясы башталды.

Финансылык сабаттуулук кимге керек? Жооп жөнөкөй - жаш-кары дебей, баарына керек!

Сиздин тааныштарыңыздын арасында жакшы киреше таап, бирок карызга батып, акчасы кайда кетип жатканын түшүнбөгөндөр барбы? Эмне үчүн мындай болот? Балким, бизди эч ким финансылык бакубаттуулукка умтулууга үйрөткөн эместир?

Финансы жаатындагы билимдин жана аны башкаруу көндүмдөрүнүн, финансылык пландаштыруу жана финансылык максаттарга жетүү тажрыйбасынын жоктугу адамдын ийгиликке жетишине тоскоол болот.

Ошондуктан финансылык маданияттын негиздерин бала кезден үйрөтүү зарыл. Бул финансылык жактан сабаттуу жүрүм-турумду мүмкүн болушунча эрте калыптандырууга жардам берет.

Финансылык сабаттуулук эмне үчүн керек? Финансылык жактан сабаттуу адамга мүнөздүү өзгөчөлүктөрдү белгилеп кетели:

• жалпы чыгашалары эч качан кирешесинен ашпайт;
• ай сайынкы кирешеси менен чыгашасынын ортосундагы айырма сөзсүз инвестицияга жумшалат.

Финансылык сабаттуулук сизге төмөнкүлөргө жардам берет:

• жеке жана үй-бүлөлүк финансыңызды көзөмөлдөөгө;
• жашоонун татыктуу сапатын камсыз кылууга;
• үй-бүлөңүздүн финансылык бакубаттуулугун арттырууга;
• күтүлбөгөн жагдайларда үй-бүлөңүздү финансылык жактан коргоого;
• финансылык алдамчылардын «тузактарына» түшүп калбоого;
• жашоодогу жана финансылык максаттарга жетүүгө;
• пассивдүү киреше булактарын түзүүгө;
• өз капиталыңызды топтоого;
• пенсияга чыкканда татыктуу жашоону камсыз кылууга.

Финансылык сабаттуулук өзүн-өзү баалоону жогорулатып, адамдын өзүнө болгон ишенимин бекемдей турганы да маанилүү.

Ойлонуп көрүңүз, сиздин финансылык сабаттуулук деңгээлиңиз кыялданган жашооңузда жашоого мүмкүнчүлүк береби? Эгер андай болбосо, анда билим алууга дилгир болуп, акча илимин өздөштүрүп, үнөмдөө маданиятына үйрөнүшүңүз керек!