Бул тууралуу INTERFAX.RU басылмасы билдирди.
Central Asia Capital инвестициялык фонду орусиялык эң ири жеңил унаа өндүрүүчү «АвтоВАЗ» менен биргеликте Кыргызстанда автоунаа заводун ишке киргизүүнү пландоодо. Бул долбоорду ишке ашырууда 12 миң жаңы жумушчу орун түзүлөт.
Долбоор этап менен ишке ашырылат:
- Биринчи этап (2026-2030-жылдар) - жылына 1,5 миңге чейин автоунаа чыгаруу менен ири агрегаттарды чогултуу болжолдонууда.
- Экинчи этап (2031-2035-жылдар) - орто агрегаттарды чогултуу, моделдердин ассортиментин кеңейтүү жана 5 миңге чейин автоунааларды чыгаруу.
- Үчүнчү этап (2035-жылдан кийин) - жыл сайын 7 миң даанадан ашык көлөмдөгү толук циклдеги өндүрүш.
Белгиленгендей, долбоор Кыргызстандын да, Орусиянын да бийлиги тарабынан колдоого алынган. Ошол эле учурда Орусия өкмөтү тарабынан салык жеңилдиктери жана КРде чыгарылган автоунаалар үчүн лизинг программасы түрүндө колдоо көрсөтүлүүдө. Долбоордун жалпы инвестициялык көлөмү 30 миллион АКШ долларын түзөт.
Эске салсак, буга чейин Banks.kg порталы ушул жылдын 3-июнунда КРнын Юстиция министрлиги тарабынан чет өлкөлүк катышуучу уюму менен «Мурас Банк» жабык акционердик коому каттоодон өткөнүн билдирген.