2026-жылга каржылык максаттарды кантип коюу жана аны таштап салбоо керек

Себеби жөнөкөй: максаттар туура эмес коюлган же реалдуу пландар мененм айкалышпайт. 

2026-жыл өзгөчө болушу мүмкүн - эгерде сиз каржылык максаттарыңызга эмоционалдуу эмес, системалуу мамиле кылсаңыз. 

Эмне үчүн каржылык максаттар жылдын аягына чейин жетпейт

Эксперттер бир нече каталарды белгилешет:

• ашыкча эле абстракттуу формулалар («көбүрөөк акча каалайм»);
• мөөнөттөрдүн жана этаптардын жоктугу;
• киреше менен дал келбеген күтүүлөр;
• максатты колдогон көзөмөлдүн жана финансылык адаттардын жоктугу;
• системага эмес, бир гана эркке таянып алуу.

Планы жок каржылык максат – бул каалоо. План менен каржылык маскт – бул курал.  

1-кадам. Максатты туура коюу 

Максат үч суроого жооп бериши керек: канча, кайсы мөөнөткө жана эмне үчүн.

• Жаман: «2026-жылга акча чогултуу».
• Жакшы: «2026-жылдын декабрь айына каржылык коопсуздукка 300 000 сом чогултуу».
• Маанилүү: максат реалдуу болушу керек. Эгерде киреше - 50 000 сом болсо, жыл ичинде кошумча киреше киреше булагы жок миллион чогултуу мүмкүн эмес. 

2-кадам. Максатты каалоого эмес кирешеге байлайбыз 

Иштей турган ыкмалардын бири – кирешенин пайызы. 

Мисалы:

• киреше — 60 000 сом;
• максат — ай сайын 10–15%ын чогултуу;
• жыл ичинде чогултулган сумма — 72 000 –108 000 сом.

Аз өлчөмдөгү бирок регулярдуу сумма жакшы натыйжа берет. Туруктуу 5-10% чогултуу бир жолку «баатырдык» ири сумманы каткандан көрө алда канча эффективдүү. 

3-кадам. Чоң максатты кыска этапка бөлүү

Мээ кыска горизонтторду жакшыраак кабыл алат.

• Ордуна: «жыл ичинде 300 000 сом чогулткандан көрө».
• Иштейт: 25 000 сом айына же 6 250 сом аптасына чогултуу.

Адам прогрессти канчалык көп көрсө, максатынан баш тартпоо мүмкүнчүлүгү ошончолук жогору болот.

4-кадам. Шыкка ишенип отура бербей, система түзүү

Системалык мамиленин жоктугунан улам шык туруксуз болуп саналат.

Эмне жардам берет:

• чогултуу үчүн өзүнчө эсеп же салым;
• киреше түшкөн күнү автоматтык түрдө эсептен алуу;
• «алгач өзүңө төлө, анан корот» эрежеси.

Эгер акча автоматтык түрдө эсептен алынса, ай сайын чечим кабыл алуунун кажети жок – максат өзүнөн өзү алдыга жылат.

5-кадам. «Финансылык агып чыгууларды» чектөө

Максаттын аткарылбай калышынын жалпы себеби - чоң чыгашалар эмес, кичинекей, үзгүлтүксүз чыгымдар:

• күтүүсүздөн сатып алуулар;
• тамак жасагандын ордуна тамак-аш жеткирүү кызматы;
• колдонулбаган жазылуулар.

Кирешеңиздин 5-10% каякка короп жатканын көрүү үчүн бир айга чыгашаларыңызды чынчылдык менен жазып коюу жетиштүү – бул көп учурда келечектеги үнөмдөөгө жол берет.

6-кадам. Каржылык максаттарды коюу 

Бир жылга оптималдуу структура: 

• Коргоо максаты;
• Каржылык коопсуздук 3-6 айга.

Ошону менен катар өз мүмкүнчүлүктөрдү ачык баалоону унутпашыбыз керек.

• Өнүктүрүү максаты: Билим берүү, кесиптик жактан өсүү, эмгек куралдары.
• Жеке максат: Саякат, ири сатып алуу, маанилүү окуя.

Бул баланс үнөмдөөлөрдөн «күйүп кетүү» коркунучун азайтат жана финансылык планды ишке ашырууга жөндөмдүү кылат.

7-кадам. Өнүгүүгө көз салып, курсту тууралоо

Киреше жана жагдай өзгөрүшү мүмкүн. Чейрек сайын бир жолу өзүңүзгө үч суроо берип туруу пайдалуу:

• мен максатты көздөй бартамбы;
• максатым актуалдуулугун жоготкон жокпу;
• сумманы же шарттарын оңдоо керекпи.

Оңдоону киргизүү - жеңилүү эмес, башкаруу.

2026-жылдын башкы эрежеси 

Финансылык максаттар дисциплинага түшкөн адамдар үчүн эле эмес, аны ырааттуу аткарган адамдар үчүн иштейт. 

Эгерде, максаттар туура коюлса, 2026-жыл сиз акчага эмес акча сиз үчүн иштей баштаган жыл болушу мүмкүн.