Карызы барларга жакшы кабар: мамлекет эски салыктык карыздарды кечет

Бул тууралуу Мамлекеттик салык кызматынын төрагасынын орун басары Кубанычбек Ысабеков Биринчи радионун эфиринде билдирди.

Анын айтымында, тиешелүү өзгөртүүлөр өткөн жылы президенттин жарлыгына ылайык Салык кодексине киргизилген.

«Салыктарды эсептен чыгаруу боюнча айтсак: эгер карыз 2022-жылга чейин пайда болгон болсо, анда мындай карыздар эсептен чыгарылат деген чечим кабыл алынган. Бир гана шарт бар - бул факты боюнча кылмыш иши козголбогон болушу керек», — деди Кубанычбек Ысабеков.

Ал башка карыздар да эсептен чыгарылышы мүмкүн, анын ичинде алар боюнча соттун чечими бар болгон учурлар да бар экендигин кошумчалады.

«Башка карыздар, алар боюнча соттун чечими болсо да, эсептен чыгарылышы мүмкүн», — деп билдирди ал.

Мамлекеттик салык кызматы бул ченемдерди жер-жерлерде колдонуу боюнча кошумча түшүндүрмө берүүнү пландоодо. Бул үчүн бардык райондорго циркуляр жөнөтүлүп, карыздарды эсептен чыгаруу боюнча чечимдер ашыкча бюрократиясыз жана мыйзамдын алкагында кабыл алынышы камсыздалат.

Мындан тышкары, төраганын орун басары айрым багыттар боюнча да карыздарды эсептен чыгаруу боюнча өзүнчө чечимдер кабыл алынганын билдирди. Тактап айтканда, Өзбекстанга мал экспорттоо маселелерине, ошондой эле документи жок сатылып алынган айыл чарба продукциясына байланыштуу учурларга тиешелүү.