Мамкызматкерлердин айлыгы көтөрүлөт: 1-сентябрдан тарта эмне өзгөрөт

Финансы министрлигинин маалыматы боюнча, мындай жогорулатуу эмгек акы төлөө системасын реформалоонун алкагында ишке ашырылууда.

Эмне өзгөрөт:

• техникалык, кенже жардамчы, жарандык жана аскер эмес кызматкерлердин эмгек акысы 50%га чейин көбөйөт;
• жумуштун татаалдыгы, жумуштун сапаты, кесиптик демилге жана нормалдуу эмес жумуш убактысы үчүн үстөктөр базалык эмгек акынын 50%на чейин көтөрүлөт;
• айрым ведомстволук жана аймактык бөлүмдөрдүн кызматкерлери үчүн 15 миң сомдон президенттин компенсация төлөмү киргизилет.

2026-жылы бул чараларды ишке ашыруу үчүн республикалык бюджеттен 2 млрд 860,4 млн сом бөлүнөт. 2027-жылдан баштап жылдык чыгашалар 8 млрд 203,5 млн сомду түзөт.

Мекеме белгилегендей, айлык акыны жогорулатуу кызматкерлерге  социалдык колдоону күчөтүү жана квалификациялуу кадрларды кармап калууга көмөктөшүү максатын көздөйт.

Эске салсак, буга чейин социалдык жана билим берүү тармагында айлыктар кескин көтөрүлгөн.

2026-жылдын январь-апрель айларында Кыргызстанда орточо эмгек акы 49,7 миң сомду түзгөн.