Кантип кокусунан дроппер болуп калбоо керек?

Каржылык көз боёмочулук жасалганда, адатта алдамчылар көмүскөдө калып, дропперлерди активдүү колдонуп кетишет - деп билдирди КРнын Улуттук банкынан.

Дроппер – бул кылмышкерлер тарабынан мыйзамсыз жол менен табылган акча каражаттарын жеке эсептерине же карталарына накталай акчага айландыруу, которуу же кабыл алуу үчүн кылмыштуу схемаларга тартылган адам, ага бул иши үчүн аз өлчөмдө сыйлык акы убада кылынат. Бул кылмыш жоопкерчилигине алып келиши толук мүмкүн. 

Өзүңдү кантип коргоо керек:

• Шектүү жумуш орундарынан сак болуңуз! Жумуш издеп жатканда этият болуңуз жана банктык картаңызды, SIM-картаңызды же эсебиңизди каржылык операциялар үчүн колдонуу боюнча белгисиз адамдардын бардык сунуштарын четке кагыңыз. 
• Кылмышка кириптер болуп калбаш үчүн, жаңылыштык менен сиздин картага түшкөн акча каражаттарын кайра которбоңуз. Банк менен байланышып, жөнөтүүчүнүн реквизиттери боюнча акча каражаттарын кайра которууну сураныңыз.

Улуттук банк банктык карталарды, SIM-карталарды, ошондой эле онлайн-банкингге кирүү мүмкүнчүлүгүн үчүнчү жактарга берүү же сатуу дропперлик катары квалификацияланарын эскертет. 

«Алдамчылык маселеси өтө актуалдуу. Эми банктык карталарды үчүнчү жактарга берүү же сатуу үчүн административдик же кылмыш жоопкерчилиги каралган», - деп билдирген КР УБ коомчулук менен иштөө бөлүмүнүн жетекчиси Салтанат Бегалиева.

ИИМ ошондой эле жарандарды банктык карталарын, SIM-карталарын жана мобилдик банктык тиркемелерге кирүү мүмкүнчүлүктөрүн үчүнчү жактарга бербөөгө үндөп келет. Мындай «акча табуу» үчүн айып пул түрүндөгү административдик жоопкерчиликке кошумча КРнын Кылмыш-жаза кодексинин 209-1-беренеси («Төлөмдүн электрондук каражаттарын, виртуалдык активдин капчыгын жана SIM-картаны үчүнчү жактарга атайылап берүү же сатуу») боюнча кылмыш жоопкерчилиги каралган - 3 жылдан 5 жылга чейин эркиндигинен ажыратуу, ал эми өзгөчө ири өлчөмдө зыян келтирилген учурда кылмыштуу коомдо мүлкүн конфискациялоо менен 5 жылдан 10 жылга чейин эркиндигинен ажыратуу.