Кыргызстандыктар турак жай курууга дээрлик 14 млрд сом сарпташты

Бул тууралуу Улуттук статистика комитетинен билдиришти. 

Өлкөдө төрт айдын ичинде жалпы аянты 454,5 миң чарчы метрди түзгөн 3 290 жеке турак үй пайдаланууга берилди, бул 2025-жылдын январь-апрель айларындагы көрсөткүчтөн 11,9%га көп.

Курулуштун негизги бөлүгү Бишкек шаарында, ошондой эле Жалал-Абад, Чүй жана Ош облустарында болгон. Бул аймактар пайдаланууга берилген жеке турак жайдын 77,6%ын түздү.

Мында жеке турак жай курулушуна инвестициялардын үлүшү жалпы капиталдык салымдардын көлөмүнүн 10,8%ын түздү. Бир жыл мурда бул көрсөткүч 17,3%га жеткен.

Айыл жергесинде 231,3 миң чарчы метр турак жай пайдаланууга берилди, бул жеке турак жай курулушунун жалпы көлөмүнүн жарымынан көбүн түзөт.