Конвертке салынган маяна. Минкаб уруксат берилген учурларды тизмектеди

Документ КРнын Эмгек кодексинин 91-беренесин ишке ашыруу максатында кабыл алынган жана айрым учурларда эмгек акыны банк аркылуу эмес, накталай төлөөгө уруксат берилген юридикалык жактардын – иш берүүчүлөрдүн иш тартибин жөнгө салат.

Кандай учурларда эмгек акыны накталай төлөөгө болот:

• кызматкер иштеген аймакта банктык кызматтардын инфраструктурасы жок болгондо;
• сезондук талаа жумуштарына кабыл алууда;
• ишкананын банктык эсептери камакка алынганда;
• турак жай ээлеринин шериктештиктеринин кызматкерлери (2026-жылдын 1-январына чейин);
• айыл чарба кооперативдери.

Баса белгилей кетүүчү жагдай, маянаны накталай төлөп жатканда иш берүүчүлөр салык мыйзамдарын сактоого жана кызматкерлердин эмгек укуктарын камсыз кылуу менен бардык зарыл эсептерди жүргүзүүгө милдеттүү.