Бир нече багытта бизнес алып барган жеке ишкер: салыктар тууралуу эмнелерди билүү керек

Аталган кызматтын маалыматы боюнча, эгер жеке ишкер ишмердүүлүктүн бир нече түрү менен алектенсе, ал баштапкы документтердин негизинде салыктык эсептерди жүргүзөт жана ишкердиктин бардык багыттарын чагылдырган бирдиктүү салык отчеттуулугун тапшырат.

Кирешелерди жана чыгашаларды эсепке алуу тандалган ыкмага жараша болот:

• чегерүү ыкмасы боюнча — бухгалтердик эсеп жөнүндөгү мыйзамдарга ылайык;
• кассалык ыкма боюнча — киреше төлөм алынган күнү, ал эми чыгаша каражаттар төлөнгөн күнү эсепке алынат.

Мамлекеттик салык кызматы ар кандай салык салуу режимдери колдонулганда, кирешелер менен чыгашалар ар бир ишмердүүлүк түрү боюнча өзүнчө эсепке алынышы керектигин белгиледи.

Мындан тышкары, эгерде бизнестин ар кандай түрлөрүнө салыктын ар кандай чендери колдонулса, салык Салык кодексинин талаптарына ылайык ишмердүүлүктүн ар бир түрү боюнча өзүнчө эсептелип, төлөнөт. Кодексте көрсөтүлгөн салык төлөөчүлөрдүн айрым категориялары үчүн өзгөчөлүктөр каралган.

Эгерде бизнестин ар кандай багыттары салык салуунун ар башка режимдерине - жалпы жана атайын режимдерге туура келсе, салык салуу Салык кодексинде белгиленген эрежелерге ылайык өзүнчө жүргүзүлөт.