Кийим-кече, Instagram жана экспорт: кыргыз сатуучусунун Wildberries платформасындагы жүзү

РВБ изилдөө борборунун 2025-жылдын апрель айында КМШ өлкөлөрүндөгү Wildberries платформасындагы 1553 активдүү сатуучунун арасында жүргүзгөн изилдөөсүнө ылайык, Кыргызстандын ишкерлери санариптик экономикага жогорку катышууну көрсөтүшөт. Сурамжылоого КРнан 410 сатуучу катышкан.

Кыргызстандык сатуучулардын дээрлик 75%ы бухгалтер, логист жана маркетолог ролдорун бириктирип, жалгыз же өнөктөш менен бирге иштешет. Бул өзгөчө Кыргызстандын аялдары арасында популярдуу. Алардын көбү үчүн бул бизнести үй-бүлөлүк тиричилик менен айкалыштыруу мүмкүнчүлүгү болуп саналат.

Өндүрүштүн алдыңкы категориялары болуп кийим-кече жана бут кийим (51%) саналат, бул жергиликтүү өндүрүштүн өсүүсүн көрсөтөт. Платформага ылайык:

• сатуучулардын 30%дан ашыгы өз товарларын өздөрү чыгарышат.
• дагы 30%ы өз өндүрүшүн сатып алуу менен айкалыштырат.

Бул чакан жана орто бизнес секторунун жетилгендигин жана анын масштабын кеңейтүүгө, анын ичинде эл аралык рынокторго чыгууга даярдыкты көрсөтөт.

«Биз Кыргызстандагы чакан бизнесте жергиликтүү өндүрүштүн ролунун туруктуу өсүшүн көрүп жатабыз», - деп белгиледи КРдагы Wildberries директору Ксения Школьникова.

Бизнес-маалымат алуу үчүн Кыргызстандагы сатуучулар көбүнчө төмөнкүлөрдү колдонушат:

• Instagram — 40%;
• YouTube - 37%;
• жергиликтүү маалымат каражаттары – 64%.

Респонденттердин жарымынан көбү билим берүү контенти алардын бизнес чечимдерине түздөн-түз таасир берет деп эсептешет.

• Кыргызстандык сатуучулардын 80% Wildberries менен иштөөгө ыраазы;
• 44% - 26 жаштан 35 жашка чейинкилер;
• 45% - платформада алты айдан аз иштеген, жаңы келгендер;
• 39% - Россияга жеткирүүлөрдү жасап, сырткы рынокко чыккандар.

Изилдөө Кыргызстандагы электрондук коммерция интернет аркылуу товарларды сатуу менен гана чектелбестигин баса белгилейт. Бул өзгөчө аялдар жана жаштар үчүн ишке орноштуруунун жаңы форматы. Онлайн соода бизнеси кеңсе же чоң инвестицияларды талап кылбайт жана өсүү үчүн ийкемдүү шарттарды камсыз кылат.