Wildberries бренддерди коргоону тездетет: Мындан ары талаштар юристтерсиз чечиле баштайт

Компаниянын басма сөз кызматынын маалыматы боюнча, өткөн жылы платформа аркылуу автордук укук ээлеринен 340 миңден ашык суроо-талаптар келип түшкөн, бул 1,7 миллиондон ашык продукт карталарын кароого мүмкүндүк берген. Алардын 1 миллиондон ашыгы маркетплейстеги витринадан жашырылган.

«Катталган талаштуу 270 миң учурдун тарапташтары маселелерин Wildberries”тин  юридикалык бөлүмүн катыштырбастан чечишти. Мындан тышкары, дагы 65 миң суроо-талаптын процесиине компаниянын адистери тартылган», - деп билдирди Wildberries & Russ компаниясынын интеллектуалдык менчик маселелери боюнча сатуучуларга укуктук колдоо көрсөтүү бөлүмүнүн башчысы Александр Назаров.

Ал белгилегендей, автоматташтыруу жана сервистин жакшыртылышынын  аркасында жооп берүү мөөнөтүн бир топ кыскартууга мүмкүн болду: эгерде мурда документтерди берүүгө 30 күнгө чейин убакыт кетсе, эми сатуучу 10 күндүн ичинде тастыктоочу документтерди бербесе, продукт картасы автоматтык түрдө жашырылат.

2025-жылга карата кызматтарды тейлөө өнүгүүсүн улантууда. Карталарды кайра басып чыгарууга жана кайталанган даттанууларды бөгөттөө функциялары буга чейин ишке ашырылган. Жакынкы арада сатуу укугу мурда тастыкталган буюмдарга кошумча коргоону киргизүү пландалууда.

Маалымат үчүн

Wildberries & Russ -  базар менен тышкы жарнама оператору Russ биригүүсүнүн натыйжасында түзүлгөн биргелешкен компания. Биргелешүүнүн максаты – санариптик соода аянтчасын түзүү жана чакан жана орто бизнести колдоо үчүн заманбап инструменттерди берүү. Компания Россияда, Арменияда, Беларуста, Грузияда, Казакстанда, Кыргызстанда, Өзбекстанда жана Кытайда кызмат көрсөтөт.