Кыргызстандын баалуу кагаздар рыногу: уставдык капитал кыйла көбөйөт

Тиешелүү токтомго министрлер кабинетинин төрагасы Адылбек Касымалиев кол койду.

Документке ылайык, жаңыланган талаптар баалуу кагаздар рыногунда иштеген уюмдардын финансылык туруктуулугун жана атаандаштыкка жөндөмдүүлүгүн жогорулатууга багытталган. Жаңы жоболор иштин ар бир түрү үчүн уставдык капиталдын минималдуу талаптарын белгилейт.

Инвестициялык активдерди ишенимдүү башкаруу:

• 2027-жылдын 1-январына чейин — 10 млн сом;
• 2028-жылдын 1-январына чейин — 15 млн.

Дилердик ишмердүүлүк:

• 2027-жылдын 1-январына чейин — 3 млн сом;
• 2028-жылдын 1-январына чейин — 5 млн.

Баалуу кагаздардын ээлеринин реестрин жүргүзүү:

• 2027-жылдын 1-январына чейин — 4 млн сом;
• 2028-жылдын 1-январына чейин — 6 млн.

Инвестициялык фонддун ишмердүүлүгү:

• 2027-жылдын 1-январына чейин — 2 млн сом;
• 2028-жылдын 1-январына чейин — 3 млн.

Ошол эле учурда өкмөттүн 2011, 2013 жана 2014-жылдардагы бир катар токтомдору, ошондой эле 2023-жылдан баштап өкмөттүн жана министрлер кабинетинин чечимдеринин буга чейин колдонуудагы ченемдик укуктук актыларды жөнгө салган айрым жоболору күчүн жоготту деп табылган.

Документте белгиленгендей, жаңы талаптарды киргизүү баалуу кагаздар рыногунун кесипкөй катышуучуларынын ишинин жогорку стандарттарын камсыз кылат жана өлкөнүн финансы секторун мындан ары туруктуу өнүктүрүү үчүн шарттарды түзөт.

Эскерте кетсек, Экономика жана коммерция министрлиги «Кыргыз Республикасынын айрым мыйзам актыларына баалуу кагаздар рыногу чөйрөсүндө өзгөртүүлөрдү киргизүү жөнүндө» мыйзам долбоорун коомдук талкууга алып чыккан.