Улуттук банк жылдын он экинчи интервенциясын 207,55 миллион долларга өткөрдү

«Улуттук банктын валюта рыногунда операциялар» бөлүмүндө төмөнкүдөй айтылат: 

• 27 млн АКШ доллары бүтүмгө келишилген күндөгү эсептөөлөр менен ишке ашырылды;
• 180,55 млн АКШ доллары бүтүмгө келишилген күндөн башка күндөгү эсептөөлөр менен ишке ашырылды. 

2026-жылы Улуттук банк төмөнкү суммаларда 11 валюталык интервенция жүргүздү:

• 134,05 млн доллар;
• 109,95 млн доллар;
• 162,55 млн доллар;
• 140 млн доллар; 
• 178,9 млн доллар;
• 168 млн доллар;
• 170,2 млн доллар;
• 222,55 млн доллар;
• 186,4 млн доллар;
• 196,2 млн АКШ доллары.
• 202,7 млн доллар.

25-августта ЖМК үчүн эсептик чен боюнча өткөрүлгөн маалымат жыйынында Улуттук банк Башкармалыгынын төрагасынын орун басары Азат Козубеков Улуттук банктын ички рыноктогу валюталык интервенцияларынын көлөмү республиканын реалдуу секторунун кеңейишине шайкеш келерин белгилеген.

Эске салсак, 2025-жылы Улуттук банк жалпы суммасы 853 миллион долларды түзгөн 8 интервенция жүргүзгөн.

2020-жылдан 2025-жылга чейин Улуттук банк 107 интервенция жүргүзгөн. Алты жыл ичинде жөнгө салуучу валюта рыногуна дээрлик 3,8 миллиард АКШ долларын саткан.